Śwjynto Ołmy i Ołpy

Ołma z Ołpom śwjynto majom  
Na swoje wnuki czakajom  
Ołma upjykła kołoczow dwie blachty
do wnuczki z syrym,a wnuka z makym
Kożdymu pszeca dogodzić musi
pszaje wnukowi i pszaje wnusi
Na Ópy bronczy -przeblyc galoty
te mosz ubabrane , som do roboty
Pszeca dzisio śwjynto momy
Jak pszidom wnuki aż fajnie wyglondomy
Ołpa pobuczoł i szoł se przeblyc cały 
I naszykowoł se lizoki jak wnuk pszidzie mały
Ołma oblykła se bluzka co na dzieciontko dostała
 Ołpa aż do ni mrugnył, ta fajnie wyglondała
Kołocz czekoł naszykowany i talerzyki ze szolkami
A we żbonku  woniawy tyj z malinami 
Kawa zaparzy se tymu kery bydzie ochota mioł
 Kożdy dostanie to co bydzie chcioł
Dzwonek głośno zadwoniył. do dwjyrzi
Opa spjycho otworzyć, dyć wnuky  psziszli
Życzynia jedyn przed drugim im skłodajom
 A Ołmie ze śmjychym kusiole dowajom
Kołocz i tyj z malinami w całej izbie wonioł
Kożdy ze szmakym do jedzynio se broł
 Ołma  jak szmatyrlok mjyndzy nimi fjurgała
Tymu loła tyj , zaś tymu robjyła kawa 
Ołpa z wnukym na kolanach uradowany
Siedzioł, rozprawioł z nimi i popijoł kawy
Kej wszyscy już dodom odeszli
Ołpa z Ołmom se dokupy siedli
Widzisz -godo Ołpa do Ołmy
Udanych wnukow momy
Dziynkuja Ponboczkowi że som
Ja, opowiadziała Ołma i nas szanujom
 
Maria Kostrzewa
 31e7a4e0d4daeeb07c86ee8f125a705bafa81306